വെടിക്കെട്ടു വാനില് വരയ്ക്കുന്നു ചിത്രം
നിറഞ്ഞാടുമാഹ്ലാദമാഘോഷപൂരം
തിടംബുള്ള കൊമ്പന്റെ മുമ്പേറെ മേളം
തിടപ്പള്ളിമാരാര്ക്കു തീരാത്ത വീര്യം
-------------------------------------
ധൃതിപ്പെട്ടു മുങ്ങിക്കുളിച്ചിട്ടു വായോ
നിറസ്സന്ധ്യപൂത്താല് ജപിക്കേണ്ടെ നാമം
അകപ്പൂവു ഭക്ത്യാലൊരുക്കുന്ന നമ്മേ
മറക്കില്ലയീശന്,തരും ഭാഗ്യപൂരം.
-------------------------------------
മുടിക്കെട്ടുതെല്ലൊന്നഴിച്ചും തപിച്ചും
മിഴിപ്പൂവില് ബാഷ്പം നിറയ്ക്കുന്ന രാധേ,
വിഷാദം വരിക്കാന് നിനക്കെന്തു ന്യായം?
നിനക്കിഷ്ടമുള്ളോനിരിപ്പുണ്ടു തീരേ.
--------------------------------------
ഇടയ്ക്കൊട്ടുനേരം കരഞ്ഞിട്ടു വേഗം
പണിപ്പെട്ടൊതുക്കിച്ചിരിക്കുന്ന തായേ .
പണപ്പെട്ടിയില് സ്വാഭിമാനം വെടിഞ്ഞാല്
ശവപ്പെട്ടിപോലും തുണക്കില്ലയന്ത്യേ
വൃത്തം ഭുജംഗപ്രയാതം
ഭുജംഗപ്രയാതം
Monday 18 July 2011
Subscribe to:
Post Comments (Atom)
0 comments:
Post a Comment