യമുന തന്നുടെ സുന്ദരഭൂമിയില്
യുവതി രാധിക പാര്ത്തതികാമിതം .
തരള യൌവനമാര്ന്ന കളേബരം
തപനമാര്ന്നു മദോന്മദചിന്തയാല് !
നടന രാധിക മോഹിതയായിപോല്
നറുനിലാവു പരന്നൊരു രാത്രിയില്
ചപല യൌവന മോഹമനോരഥം
ചിറകുവച്ചു പറയുന്നതവാനിലായ് .
മലയമാരുത ശീതള ചുംബനം
കുളിരണിഞ്ഞു മനോഹരമാധവം .
വിരഹ വേദനയാര്ന്നൊരു മാനസം
തളിരണിഞ്ഞു നിരാശനികുഞ്ജകം .
പ്രണയ കൌമുദി പൂത്തൊരുരാവുതന്
പ്രഥമസംഗമ വേദിയിലഭേദ്യമായ് ,
മദന മാധവനോടിണ ചേരുവാന്
യുവതി ഗോപിക പോയതിമോഹിതം .
യദുവധൂജന വല്ലഭനായവള്
കുസുമഹാരമൊരുക്കി മനോഹരം .
പിടയുമാമിഴിതന്നുടെ കോണിലായ്
കരുതി സുന്ദര കാമനസൂനവും .
നഭസു തിങ്ങിവിളങ്ങിനതാരകം
ചിരിയൊതുക്കിയ സുന്ദരവേളയില് ,
അവളണഞ്ഞുപറഞ്ഞിതു ,യാദവാ
പുണരുകീരതി കന്യകതന്നുടല് .
യതിമനസ്സു തളിര്ത്തയാമമായ്
ഹരി ,വപുസ്സുപുണര്ന്നതിഗാഡമായ്
പ്രണയരാധികേ ചേരുകജീവനില്
പടരുകാത്മ രതിക്കനുകൂലമായ്!
0 comments:
Post a Comment