ഇടയ്ക്കല്‍പ്പനേരം ശമിച്ചിട്ടു വീണ്ടും
നിറുത്താതെപെയ്യുന്ന പേമാരി കാണ്‍കെ
വെറുപ്പോടെയമ്മൂമ്മ ചൊല്ലുന്നു , "ശല്യം
മഴക്കാലമായാല്‍ പെരുത്താണു കഷ്ടം"!
തളംകെട്ടിനില്‍ക്കുന്ന വെള്ളത്തിലല്ലോ
വളര്‍ന്നങ്ങു വാഴുന്നു കൂത്താടിയേറ്റം .
പരത്തുന്ന രോഗങ്ങളെല്ലാം വിചിത്രം
മഴക്കാലമായാല്‍ പെരുത്താണു കഷ്ടം !
കുലംകുത്തിപായുന്നൊരാറിന്‍റെയോരം
കുടുംബങ്ങളൊട്ടേറെ പാര്‍ക്കുന്ന തീരം.
പുഴക്കക്കെരെയ്ക്കെത്തുവാന്‍ മാര്‍ഗ്ഗമന്യം -
മഴക്കാലമായാല്‍ പെരുത്താണു കഷ്ടം !
വൃത്തം : ഭുജംഗപ്രയാതം
0 comments:
Post a Comment